Tamilrockers Closed?
தமிழ்ராக்கர்ஸ் இணையதளம் நிரந்தரமாக மூடப்பட்டுவிட்டதாக ட்விட்டர் உள்ளிட்ட சமூகவலைதளங்களில் செய்திகள் பரவி வருகின்றன. இன்னும் tamilrockers சார்பாக எந்தவொரு செய்தியும் அதிகாரபூர்வமாக அறிவிக்கப்படவில்லை.
திரைக்கு வந்த சில மணி நேரங்களிலேயே திரைப்படங்கள் தமிழ்ராக்கர்ஸ் இணையதளத்தில் வெளியிடப்படும். ஒருபக்கம் சினிமா துறையினர் தமிழ்ராக்கர்ஸ் காரணமாக தங்களுக்கு பேரிழப்பு ஏற்படுவதாக குற்றம் சாட்டினாலும் கூட இன்னொரு பக்கம் டவுன்லோட் செய்து சினிமா பார்க்கும் ரசிகர்களால் கொண்டாடப்பட்டது.
திடீரென சமூக வலைதளங்களில் தமிழ்ராக்கர்ஸ் இணையதளம் நிரந்தரமாக மூடப்பட்டுவிட்டதாக செய்திகள் பரவின. இதுகுறித்து அதிகாரபூர்வமாக தமிழ்ராக்கர்ஸ் சார்பாக எந்தவொரு தகவலும் வெளியிடப்படாத சூழ்நிலையில் தமிழ்ராக்கர்ஸ் இணையதளம் மூடப்பட்டுவிட்டதாக செய்திகள் பரவி வருகின்றன. இதனை உறுதிப்படுத்தும் விதமாக TAMILMV எனும் இணையதளத்திலும் ‘பல ஆண்டுகளாக தமிழ்ராக்கர்ஸ் செய்து வந்த பணிக்கு நன்றி’ என தெரிவிக்கப்பட்டு உள்ளது. இந்த இணையதளமும் தமிழ்ராக்கர்ஸ் போன்று திரைப்படங்களை வெளியிடும் தளம் என்பது குறிப்பிடத்தக்கது.
Good news for Kollywood industry. #Tamilrockers seems to be blocked now
— Sathish Kumar M (@sathishmsk) October 19, 2020
தமிழ்ராக்கர்ஸ் மூடப்பட்ட செய்தியை சினிமா துறையினர் மகிழ்ச்சியாகவே பார்க்கின்றனர். காவல்துறை, நீதிமன்ற தடை என எத்தனை தடைகள் வந்தாலும் படங்களை சொன்ன நேரத்தில் வெளியிட்டு அதிரடி காட்டி வந்த தமிழ்ராக்கர்ஸ் தற்போது சொல்வது போல மூடப்பட்டால் மகிழ்ச்சியென பலரும் பதிவிட்டு வருகிறார்கள்.
மறுபக்கமோ, தமிழ்ராக்கர்ஸ் மீண்டும் புதிய டொமைனில் வரும் என நம்புவதாக குறிப்பிடும் இணையவாசிகள் தமிழ்ராக்கர்ஸ் போனால் என்ன அதான் டெலிகிராம் ஆப் இருக்கிறதே என ஆறுதலாகவும் கருத்து தெரிவித்து வருகிறார்கள்.
Sridaran
Baskaran
Blogger
நமது மாணவர்களும் மக்களும் அறிவியல்/தொழில்நுட்பம் சார்ந்த செய்திகளை தமிழில் படிக்க வேண்டும், அறிவினை விசாலமாக்கிக்கொள்ள வேண்டும் என்பதே நோக்கம். பதிவுகளை பகிர்வதன் மூலமாக உங்களது ஆதரவை தெரிவியுங்கள்.
